Overordna ansvar
Det overordna ansvaret for arkivarbeidet i kommunen ligg til rådmannen.
Arkivleiar
Arkivleiar inngår i stab og støtte med organisasjonssjefen som næraste overordna.
Arkivleiar er leiar for kommunen sin arkivteneste og skal gje rettleiing og føre tilsyn med arkivdanning og arkivoppbevaring i kommunen. Arkivleiar skal:
- halde seg oppdatert om den faglege og teknologiske utviklinga på arkivsektoren, og om endringar i regelverk for offentlege arkiv
- gje fagleg rettleiing til arkivpersonalet og sørgje for at arkivmedarbeidarane får tilbod om å utvikle sin faglege kompetanse og halde seg oppdatert om den faglege utviklinga
- gje nytilsette nødvendig opplæring
- rapportere til leiinga i kommunen om verksemda til arkivtenesta og leggje fram framlegg om tiltak som skal heve kvaliteten på arkivarbeidet
- utarbeide planar for arkivarbeidet
- kontrollere at arkivarbeidet skjer i samsvar med reglane i arkivplanen
- føre kontroll med at arkiva i kommunen er forsvarleg oppbevart og sikra
- ta initiativ til opppdatering/endringar i arkivplanen
- vere kontaktperson med fylkesarkivet i Sogn og Fjordane.
Arkivleiar er rådmannen sin saksbehandlar i arkivsaker og avgjer med endeleg verknad arkivfaglege spørsmål i kommunen. Arkivleiar er fagleg overordna alle som arbeider med arkivsaker i Gloppen kommune.
I delegeringsreglementet har arkivleiar rådmannen sine oppgåver etter §§ 6 og 8 i arkivlova og §§ 3 og 10 i offentleglova.
Personvernombod
Gloppen kommune har felles personvernombod saman med dei andre Nordfjordkommunane. Dette er meldt Datatilsynet.
Personvernombod er Hans Thomas Solheim, IKT-Nordfjord (Eid kommune).
Laster...